E njohur si mushkëria e qytetit të Elbasanit, Kodër Krasta u dogj sërish një ditë më parë. Zjarri i rënë dyshohet të jetë i qëllimshëm ndërkohë që policia po punon për identifikimin e autorëve.

Por nëse rastet e zjarreve të qëllimshme shtohen dita ditës, asnjë autor nuk është vënë para drejtësisë. Krasta u dogj edhe dy vite më parë, edhe në atë kohë bëhej fjalë për zjarrvënie të qëllimshme e megjithatë autori nuk u identifikua asnjëherë.

Në qarkun e Elbasanit, për vitin 2018 janë 11 raste zjarri të qëllimshme, nga këto 9 me autorë, 8 të proceduar në gjendje të lirë dhe 1 i arrestuar. Ndërsa për periudhën Janar-Gusht 2019 janë 8 raste zjarrvënie, të cilat janë me autorë të proceduar në gjendje të lirë.

Në gjykatën e Elbasanit, asnjë rast për zjarrvënie të qëllimshme nuk ka mbërritur në këtë gjykatë cka do të thotë se asnjë autor nuk është dënuar. Rastet të gjitha janë të mbyllura në Prokurorinë e Elbasanit.

Artikulli paraprakGJENDEN 11 KG HEROINË NË GOMËN REZERVË, ARRESTOHET SHOFERI I MJETIT
Artikulli tjetërTENTON TË KALOJË NË KORSINË TJETËR, PËRPLAS MOTOÇIKLETËN