Me anë të një statusi në Twitter, kryeministri Rama i është përgjigjur paraardhësit të tij, Sali Berisha për çështjen e basteve.

Në statusin e tij, Rama shkruan se partia e Saliut i ka dalë kundër mbylljes së lojrave të fatit dhe kontrollit mjekësor falas duke thënë se ata kanë mbetur peng i një opozitë të dështuar.

Saliu u del për zot basteve, partia e vet i del kundër kontrollit mjekësor bazë FALAS. Këto janë dy fytyrat kuptimplota të një opozite që ka humbur bastin me të ardhmen dhe ka mbetur peng i një politike të dëshpëruar dyfytyrësie e shterpësie të ububushme. Bastet vdiqën Sali!

Më herët, me anë të një statusi në Facebook, Sali Berisha shkruante se Rama do të mbyllte 9 mijë pika bastesh për të hapur më pas 1.000.000 të tjera online në celular që do të menaxhoheshin nga familja e tij.