By Pass-i i Shkodrës sipas ministrit të infrastrukturës Damian Gjiknuri dhe drejtorit të përgjitshëm të ARRSH Afrim Qendro po mbetet një peng nga bashkia Shkodër sa i përket përfundimit të punimeve.

Kjo për shkakun se bashkia, sipas pretendimeve ende nuk ka dhënë dritën jeshile për projektin e përmirësuar nga ARRSH, projekt për të cilin kryebashkiakja Ademi sipas drejtorit Qendro ka rënë dakord.

Në rast se kjo çështje vazhdon zvarritjen atëherë rrezikon që fondi i ministrisë të digjet dhe By Pass-i të mbetet një gërmadhë.Sa i përket disa shpronësimeve ende të padhëna për aksin Shkodër-Velipojë që është në rikonstruksion e sipër ministri Gjiknuri siguroi se do të likujdohen shumë shpejt.

Deklaratat e ministrit Gjiknuri dhe drejtorit të ARRSH Qendro u bënë gjatë inspektimit të punimeve në aksin Shkodër-Muriqan.