FESTAT DOBËSOJNË EURON

Ardhja e emigrantëve në Shqipëri me rastin e festave të fundvitit ka forcuar ndjeshëm lekun shqiptar dhe ka zhvlerësuar monedhën europiane. Sipas të dhënave të Bankës së Shqipërisë një euro po këmbehet me 132.9 lekë një nivel ky ndër më të ulëtit që prej gushtit. Monedha evropiane ka pësuar një zhvlerësim edhe në tregjet ndërkombëtare. Sipas ekspertëve Monedha Evropiane nuk do të prekë më nivelin e 140 lekëve.

FILLON LIBERALIZIMI I TREGUT TË ENERGJISË, DALIN NË TREG 78 BIZNESE

Në vitin 2018-të 78 biznese që furnizohen në linjën e tensionit 35 kilovot janë të detyruar që ta sigurojnë vetë energjinë elektrike. Liberalizimi i tregut do të vazhdojë më tej edhe për nivele të tjera, të cilat llogaritet të përfshijnë një numër të konsiderueshëm ndërmarrjesh. Elton Sevrani, drejtor i shitjeve në kompaninë OSHEE, thotë se bizneset ende nuk janë shprehur të gatshëm për të gjetur vetë energjinë elektrike, megjithatë në muajin Mars, OSHEE do të bëjë stakimin fizik të linjave.

RRITEN ME 220 MILIONË USD TË ARDHURAT NË BUXHET

Të ardhurat në buxhetin e shtetit për 11 muaj të këtij viti janë rritur me 220 milion dollarë. Kontributin kryesor për shtimin e arkëtimeve në buxhetin e shtetit e ka tatimi mbi vlerën e shtuar, i cili krahasuar me një vit më parë ka sjellë 70 milion dollarë më shumë, ndërsa nga akcizat shtesa është në nivelin e 34 milion dollarëve. Sipas ministrisë së Financave, TVSH-ja për importet e karburantit ka rënë për shkak të rritjes së prodhimit dhe përpunimit të naftës në tregun vendas, por me rritje kanë rezultuar futjet në doganë të gazit të lëngët, cigareve dhe kafesë.

FESTAT DOBËSOJNË EURON

Ardhja e emigrantëve në Shqipëri me rastin e festave të fundvitit ka forcuar ndjeshëm lekun shqiptar dhe ka zhvlerësuar monedhën europiane. Sipas të dhënave të Bankës së Shqipërisë një euro po këmbehet me 132.9 lekë një nivel ky ndër më të ulëtit që prej gushtit. Monedha evropiane ka pësuar një zhvlerësim edhe në tregjet ndërkombëtare.

Sipas ekspertëve Monedha Evropiane nuk do të prekë më nivelin e 140 lekëve. Aktualisht një euro shkëmbehet me 132 lekë çka vlerësohet si më e ulta ndër 10 vitet e fundit. Ndryshimi i menjëhershëm i vlerës së euros ndaj lekut në Shqipëri ka ndodhur në 2011 kur euro arrit në 140 lekë nga 123 që ishte në 2009.

SHQIPËRIA PRITET TË MARRË EUROBOND, PARASHIKOHET TË JETË NË VLERËN 400-500 MLN EURO

Qeveria shqiptare pritet të dalë në tregun ndërkombëtar për të marrë 400-500 milion euro borxh. Ky fakt është parashikuar në strategjinë afatmesme të borxhit për vitet 2016-2018, ku parashikohet rikthimi i skemës së eurobondit. Një pjesë e mirë e huasë do të përdoret për të zëvendësuar kreditë ekzistuese, që janë marrë me interesa të larta, si dhe një pjesë për të rinovuar borxhin që maturohet gjatë vitit 2018.

QEVERIA VENDOS TË MOS E RRISË ÇMIMIN E ENERGJISË

Qeveria shqiptare i thotë jo rritjes së çmimit të energjisë për konsumatorët fundorë për vitin e ardhshëm. Një vendim që Këshilli i Ministrave ka miratuar në datën 8 Dhjetor të këtij viti, ku shprehet qartë se miratimi i programeve ekonomike dhe çmimeve për kompanitë e këtij tregu, duhet të marrë parasysh impaktin që do të ketë në çmimin final të konsumatorëve. Në këtë rast, nisur nga kriza që përjetoi këtë vit kompania e prodhimit KESH, ligji i ri për sektorin e energjisë elektrike, i lejonte korporatës që të vendoste çmimin me të cilin ia shet OSHEE energjinë për furnizimin e klientëve të saj të ishte sipas kostos reale të prodhimit, duke u përjashtuar nga tregu i rregulluar.

AKSIONI KUNDER INFORMALITET, MBYLLEN 541 BIZNESE

Drejtoria e Përgjithshme e Tatimeve ka njoftuar përfundimin e javës së nëntë të aksionit anti informalitet. Tatimet kanë bërë të ditur edhe disa nga rezultatet kryesore të aksionit si dhe ecurinë e procesit të faljes fiskale, i cili do të vazhdojë deri në fund të këtij viti.

BANKA E SHQIPËRISË DO TË EMETOJË KARTMONEDHËN 10 MIJË LEKËSHE

Banka e Shqipërisë do të emetojë së shpejti në treg një kartmonedhë 10 mijë lekëshe.

SI SHPALLEN EMERGJENCAT? VENDIMI I QEVERISË “NANO”; SHTETI PAGUAN PËR TË GJITHA

Pa u tërhequr uji nga të gjitha shtëpitë dhe tokat e përmbytura, politika po debaton se si duhet trajtuar kjo situatë. Partia Demokratike dhe Lëvizja Socialiste për Integrim kërkojnë shpalljen e gjendjes së emergjencës, por qeveria refuzon në mënyrë të prerë.

EKONOMIA SHQIPTARE NË ITALI, MBI 250 MIJË TË PUNËSUAR

Shqiptarët janë komuniteti më i madh i huaj në forcën puntore të Italisë. Instituti italian i Sigurimeve Shoqërore raportoi se aktualisht në Itali janë 250 mijë shqiptarë të punësuar në mënyrë të rregullt, të cilët paguajnë taksa dhe sigurimet shoqërore.

BOTA