MIQËSORET, VLLAZNIA HUMBET EDHE TË TRETËN

Vllaznia ka pësuar edhe humbje e tretë në po aq miqësore të zhvilluara deri më tani. Këtë herë mbi të ka triumfuar ekipi Deçiç i Tuzit, që do të marrë pjesë sërish në Superligën malazeze këtë vit. Skuadra e shqiptarëve të vendit fqinj ka fituar me rezultatin 2-0, me nga një gol të shënuar në secilën pjesë loje. Ndeshja është luajtur pasditen e sotme në stadiumin e qytetit të Tuzit dhe është ndjekur me interes nga një numër i konsiderueshëm tifozësh, si të qytetit të shqiptarëve në Malin e Zi, ashtu edhe të atyre që kishin udhëtuar nga Shkodra posaçërisht për t’iu gjendur pranë skuadrës së tyre të zemrës.

Shqipëria do të jetë për herë të parë në grupet për kualifikueset në botëror...

Përveç Italisë, në Grupin G do të jetë edhe ish-kampionia e botës, Spanja. Përveç këtyre dy gjigantëve të futbollit botëror, kuqezinjtë do të kenë...

VLLAZNIA “DASHUROHET” ME FUTBOLLISTËT KOSOVARË

Skuadra shkodrane këtë pragsezoni të ri futbollistik duket se është “dashuruar” me futbollistët kosovarë. Pas mbrojtësit Adnan Haxhaj dhe mesfushorit Berat Ahmeti, që tashmë kanë firmosur me Vllazninë, edhe tre futbollistë të tjerë kosovarë shpresojnë ta bëjnë këtë gjë në ditët në vijim. Janë tre futbollistë që po stërviten me skuadrën shkodrane dhe po testohen nga ana e stafit teknik, ndërkohë që ende nuk është vendosur nëse do të qëndrojnë apo jo.

VLLAZNIA SOT MIQËSORE ME EKIPIN E DEÇIÇ

Për kuqeblutë vjen dhe miqësorja e tretë në këtë përgatitore vere. Pasditen e sotme, në orën 18.00, në stadiumin e qytetit të Tuzit të Malit të Zi, Vllaznia do të ndeshet me skuadrën vendase të Deçiçit, që në kampionatin e ri do të jetë sërish pjesmarrëse në Superligën Malazeze. Kjo miqësore do t’i shërbejë stafit teknik të skuadrës shkodrane për të parë edhe njëherë tjetër ndryshimet në skuadër.

VLLAZNIA NË KËRKIM TË NJË SULMUESI

Blerja e shtatë e Vllaznisë mund të jetë një sulmues. Drejtuesit e klubit shkodran thuhet se janë në tratativa me dy-tre futbollistë të këtij reparti dhe me njërin prej tyre do të arrihet shpejt akordi. Nuk saktësohet emri dhe kombësia e tij, por brenda një apo dy ditësh, kjo gjë do të marrë zgjidhje.   Burime pranë klubit bëjnë të ditur se në emrat që po kërkohen, tashmë nuk bën më pjesë fieraku Ribaj.

LARGOHEN 3 SHKODRANË DREJT BESËLIDHJES

Edhe tre ish-futbollistë të tjerë të Vllaznisë mund të firmosin në ditët e ardhshme me Besëlidhjen. Pas Alis Bacit, që e ka bërë një gjë të tillë në ditët e kaluara, shumë shpejt këtë procedurë mund ta kryejnë edhe Arsen Hajdari, Arsen Sykaj dhe Arenc Dibra. Të tre ata janë në bisedime me presidentin Gjokë Noka dhe pritet që të mbyllen marrëveshjet respektive, në mënyrë që më pas t’i bashkohen kësaj skuadre në stërvitje.

EGLANTIN DHIMA, NJË VLONJAT NË RADHËT E VLLAZNISË

Eglantin Dhima, mesfushori vlonjat i Sopotit gjatë merkatos së verës është në “shënjestrën” e disa klubeve të Kategorisë Superiore dhe të Kategorisë së Parë. Ai kreu disa ditë provë te Bylisi i Ballshit, ku drejtuesit dhe stafi teknik i asaj skuadre e pëlqyen futbollistin, por kontrata që ata i afruan ishte afatgjatë. Megjithatë, lojtari nuk ka kthyer ende përgjigjen përfundimtare.

FITON KUKËSI, MPOSHT MALAZEZËT NË SHTËPI

Fitore historike e Kukësit në Europë. E para jashtë fushe, më e thella e realizuar dhe ajo që është më e rëndësishme, kualifikim për në raundin tjetër. Katër gola të shënuar përballë Mladost, bëjnë që verilindorët të kalojnë edhe turin e dytë në Europa League, ku në turin e tretë do të ndeshen me Legia Varshavë. Kanë besuar shumë nënkampionët e Shqipërisë dhe për 32 minuta ata kanë mbyllur çështjen e kualifikimit, duke çuar në delir tifozët e pranishëm, por edhe tifozët që po e ndiqnin në ekran.

TËRBUNI AKTIV NË MERKATO, EDHE DY PËRFORCIME

Edhe dy futbollistë të tjerë i janë shtuar organikës së Tërbunit. Bëhet fjalë për sulmuesin Enzo Malindi dhe mesfushorin Gentian Manuka. Të dy ata kanë arritur akordin me administratorin Frroku dhe për këtë arsye tashmë do të jenë në dispozicion të trajnerit Nikaj për procesin stërvitor. Ardhja e këtyre dy futbollistë me eksperiencë nga Superliga, kuptohet që do të jetë një plus për pukjanët, që kanë nevojë për lojtarë të tillë.

FAZA PËRGATITORE, VLLAZNIA DREJT MALIT TË ZI

Kishte dyshime nëse do të zhvillohej jashtë Shkodrës apo jo faza përgatitore e ekipit të Vllaznisë, por administratori i këtij klubi, Neritan Kalamishi, ka bërë të ditur se ajo do të zhvillohet diku jashtë vendit, por pa saktësuar vendin se ku. Njeriu që firmos për gjithçka në këtë klub, po ashtu i është përgjigjur edhe njëherë pyetjes, nëse ekziston mundësia që skuadra të shkojë për stërvitje në Zllatibor të Serbisë.

BOTA