Samiti i Ballkanit Perëndimor që do të mbahet në Athinë më datat 15 dhe 16 shtator, do shërbejë dhe si mundësi takimi mes kryeministrit shqiptar Edi Rama dhe atij grek Kiriakos Mitsotakis.

Kreu i qeverisë shqiptare do të zhvillojë darkë pune me Mitsotakis, sot në orën 21:00.

Takimi do të zhvillohet në pallatin Maximos në Athinë.

Rama viziton Greqinë në cilësinë e kreut të OSBE dhe çështja e detit pritet të jetë një nga diskutimet që do trajtohen.

Rama konfirmoi disa ditë më parë pjesëmarrjen në konferencën e organizuar nga “The economist” në kryeqytetin helen me temë “Forcimi kohezionit në kohë turbulence në Europë”.

Rama do të mbajë fjalën ditën e dytë të këtij samiti së bashku me homologun e tij maqedonas dhe bullgar për të diskutuar mbi sfidat e procesit të integrimit europian, reformat që vendet kandidate duhet të zbatojnë për tu afruar më tepër me BE-në.

Gjithashtu konferenca do të do përqendrohet tek rritja dhe forcimi i tregtisë dhe investimeve në vendet e rajonit.