Zbardhet dëshmia e autorit të vrasjes së 3 ditëve me parë në Durrës.
Ndue Zefi ka deklaruar përpara organit të akuzës se me viktimën Martin Ndrecën kishte njohje të vjetër sepse kanë jetuar në të njëjtin fshat për disa vite.

“Me Martinin kemi njohje të vjetër, sepse kemi jetuar në fshatin Adriatik për disa vite. E konsideroja njeri të besuar, por më preu në besë. Kisha dëgjuar llafe të ndryshme, që kanë të bëjnë me çështje nderi”.

Lidhur me arsyet dhe rrethanat që e shtynë të ndërmerrte një akt të tillë Zefi ka thënë:
“Atë ditë (ditën e ngjarjes) shkuam për t’i kërkuar llogari për veprimet e tij, nuk u morëm vesh si njerëz pasi u soll në mënyrë arrogante, duke mos më lënë asnjë zgjidhje tjetër.

U përplasëm fillimisht në lokal, pastaj edhe në vendin ku ndodhi krimi. Qëllova në drejtim të tij disa herë me vetëdije të plotë, pasi e kishte hak plumbin. Pasi konstatova se kishte vdekur, u largova me shpejtësi nga vendi i ngjarjes”.

Ai ka deklaruar gjithashtu se tregon edhe se ku e hodhi armën pas vrasjes si dhe vendin ku ka qëndruar i fshehur për tre ditë me radhë.

“Pasi konstatova se kishte vdekur, u largova me shpejtësi nga vendi i ngjarjes. Pak metra larg vendit të krimit hodha armën, me të cilën kreva vrasjen dhe u largova në drejtim të Pukës, në vendlindjen time, për t’u fshehur”.

Zefi ka thënë ser vendosi të vetëdorëzohej në polici sepse donte të përballej me drejtësinë.

“Por vendosa të dorëzohem në Polici, sepse nuk kisha dëshirë të qëndroja i fshehur, por të përballem me drejtësinë”.

Kujtojmë se Zefi vrau fqinjin pas një debati banal në një lokal në zonën e Kënetës.Ai është dorëzuar në policinë e Shkodrës autori i vrasjes së Martin Ndrecës 45 vjeç. Ngjarja ndodhi tre ditë më parë në zonën e Kënetës në Durrës pranë banesës së viktimës.

Ky i fundit së bashku me autorin disa orë para se të ndodhte vrajsa kanë pirë së bashku në një lokal të zonës, ndërsa janë konfliktuar verbalisht për çështje banale.

Autori, i vetëdorëzuar tashmë ka shkuar në banesën e tij ka marrë armën kallashnikov dhe e ka pritur viktimën e tij teksa kthehej për në banesë dhe e ka qëlluar me 5 plumba.

Mësohet se një plumb në zonën e shpatullës ka qenë fatale për viktimën Ndreca i cili u gjet i pajetë në orët e mëngjesit të së dielës së shkuar.

Ngjarja e rëndë ndodhi në orët e para të mëngjesit të ditës së dielë në zonën e ish-Kënetës në Durrës. Viktima sipas burimeve policore është Martin Ndreca, me origjinë nga Lezha dhe me banim në zonën ku u gjet i vrarë.

Në vendngjarje janë gjetur 5 gëzhoja të qëlluara nga një automatik, ndërsa në trupin e viktimës është gjetur një plumb, në zonën e shpatullës.

Artikulli paraprakMETA NË EGJIPT: SHQIPËRIA, PORTË HYRËSË NË BALLKAN PËR INVESTIMET TUAJA
Artikulli tjetërBASHA: TRE KUSHTE PËR ZGJIDHJEN E KRIZËS! I PËRGJIGJET EDHE NDËRKOMBËTARËVE