Një grup të rinjsh i janë drejtuar poliklinikës së specialiteteve në Shkodër për të dhuruar gjak për fëmijët talasemik.

Kohët e fundit numri i atyre që vuajnë nga talasemia edhe në Shkodër është gjithnjë e më shumë në rritje duke rritur kështu edhe nevojën në bankën e gjakut në spitalin e Shkodrës.

Jozefina Delia, specialiste në drejtorinë rajonale të shëndetësisë tregon këtë bashkëpunim me të rinjtë si dhe numrin që shtohet të atyre që vuajnë nga talasemia.

Apeli është i qartë, sa më shumë dhurues gjaku ndikon në shpëtimin e jetëve.

Jozef Radi është koordinatori i organizatës Eko Mendje të cilët kanë sensibilizuar të rinjtë por jo vetëm që të dhurojnë gjak pët talasemikët.

Tashmë kjo nuk është vetëm një nisëm sensibilizuese e momentit por një organizim që do vijojë edhe në muajt e ardhshëm.

Nuk është dita botërore e talasemisë, atëherë kur merr vëmendjen më të madhe por kjo nuk do të thotë se qytetarë të ndryshëm të mos dhurojnë gjak për ata që kanë probleme nga kjo sëmundje.