Kryeministri Edi Rama ka vijuar postimet në rubrikën e tij të përditshme në Facebook, “Mirëmëngjes”. Në postimin e tij të fundit, Rama ka publikuar shifrat e punësimit nga janari i vitit 2018 deri në muajin gusht.
Në video thuhet se për 8 muaj, në vend janë punësuar 20 mijë e 764 persona. Kryeministri thotë se pavarësisht atyre që do shajnë dhe përqeshin këto numra, këto të dhëna përfshijnë edhe të punësuarit e rinj, edhe ata që kanë nisur të deklarohen.
Rama shkruan:
“MIRËMËNGJES.
dhe duke u thënë paraprakisht të tërë atyre këtu, që do shajnë e do përqeshin (si gjithmonë kur flitet për punën dhe punësimin)
se çdo numër në këtë videoinformacion është një i punësuar rishtas, me emër dhe mbiemër në regjistrin e sigurimeve shoqërore, ju uroj një ditë të mbarë.”
