Dorezat janë një masë e mirë mbrojtëse ndaj pandemisë Covid-19, por aspak efektive për aq kohë sa ju nuk i lani duart, pas gjithçkaje që prekni.

Molly Lixey, një ish-infermiere e dhomës së urgjencës në Saginaw, Michigan, tha për CNN se në supermarkete i sheh të gjithë të pajisur me doreza dhe kjo është gjë shumë e mirë, por prapë ka diçka shumë shqetësuese në përdorimin e dorezave nëpër dyqane thotë ajo.

Në një video në Facebook, Lixeytregon sa e lehtë është përhapja e mikrobeve në një dyqan.

“Më tmerron idea që njerëzit besojnë se janë të sigurt vetëm sepse kanë vënë doreza”, teksa tregon se si me duart e ndotura mund të prekim fytyrë, portofolin apo celularin.