Vijon ndalimi dhe arrestimi i shqiptarëve në Greqi, të akuzuar si pjesë e trafiqeve të drogës.

Së fundmi, një 31 vjeçar shqiptar është ai që ka përfunduar në prangat e policisë së vendit fqinj.

Gjatë arrestimit policia sekuestroi rreth 16 kg kanabis të papërpunuar si dhe rreth 2 kg kanabis të përpunuar, ndërsa është në kërkim edhe një bashkëpunëtor i shqiptarit, një 47-vjeçari, identiteti i të cilit nuk bëhet ende i ditur.

Shqiptari u arrestua në zonën e Patrias, ndërsa përveç sasisë së konsiderueshme të drogës që u gjet në banesën ku jetonte, policia gjeti edhe një shumë prej rreth 30 mijë eurosh, dy peshore elektronike, tre thika dhe materiale për paketimin e drogës.

Me hetimin e çështjes në fjalë është ngarkuar prokuroria e Athinës.

Artikulli paraprak“EUROVISION”, SHQIPËRIA PËRFAQËSOHET NGA JONIDA MALIQI
Artikulli tjetërNXËNËSI TENTON TË VRASË ME ÇEKAN MËSUESIN