Ministrja e Drejtësisë, Etilda Gjonaj i është përgjigjur akuzave të PD duke thënë se vettingu po funksionon dhe se po pastrohet drejtësia.

Përmes një deklarate për mediat, Gjonaj u shpreh se opozita nuk e do vettingun, por procesi nuk ka kthim mbrapa. Ministrja i bëri thirrje opozitës për të bashkëpunuar.

“Vettingu po funksionin dhe po pastrohet drejtësia. Vettnigu po kthen shpresën e publikut se dhe ne Shqipëri mund të ketë drejtësi. Sot jemi të gjithë dëshmitarë për progresin e vettingut. Opozita akuzon qeverinë dhe kryeministrin për kapje të drejtësisë.

Po si po e kap qeveria drejtësinë? Që opozita nuk e donte vettingun kjo dihej botërisht. Që opozita kërkon me dëshpërim dhe shkatërrimin e këtij kuadri ligjor kjo është çdo ditë dhe më e qartë.

Kthim mbrapa të këtij procesi nuk mund të ketë dhe shantazhet për të kthyer procesin mbrapa nuk mund të funksionojnë. Kërkojmë bashkëpunimin e opozitës për këtë proces”- tha Gjonaj.

Artikulli paraprakZJARRET NË GREQI, QEVERIA SHQIPTARE JEP 100 MIJË EURO NDIHMË
Artikulli tjetërVETTING-U, SHKARKOHET PROKURORJA ROVENA GASHI