Si një nga ish futbollistët e skuadrës së Vllaznisë dhe një mbështetës i mad hi kësaj skuadre Edi Martini në një intervistë për Star Plus shprehet se situata e skuadrës kuqeblu nuk është e mirë.

Duhen të merren masa sa më parë pasi kërkesat janë të shumta nga superiorja për të marrë lojtarët tanë.

Për Martinin pavarësisht se këtë vit Vllaznia do të luaj në kategorinë e parë ai nuk ka aspak dyshime se kuqeblutë do të rikthehen mënjëherë në Superiore.

Emri i Edi Martini prej kohësh lakohet si një nga favoritët për të marrë edhe drejtimin e Vllaznisë dhe Martini shprehet se edhe pse akoma nuk i është ofruar zyrtarisht një gjë e tillë dëshirën e ka por më tej Martini vijon se në këtë pjesë duhet të zbatohet meritokracia pasi Vllaznia është një emër i madh.

Tek skuadra shkodrane që prej rënies nga Superliga të shumta janë alternativat e masave të mundshme që mendohet të merren por vendimet konkrete se i përket lojtarëve dhe bordit drejtues do të merren në mbledhjen e këshillit bashkiak që do të mbahet në fund të muajit qershor.