Prokurori i Apelit të Tiranës, Luan Kaloci është shkarkuar nga Komisioni i Pavarur i Kualifikimit, pasi nuk kaloi Vettingun.
Kaloci rezultonte me burime kontradiktore të pasurisë. Në deklarimin e bërë në vitin 2003 për blerjen e një dyqani ai ka specifikuar si burim të ardhurash 5.2 milionë lekë të fituara në baste sportive.
Ndërsa në vitin 2017, për të njëjtën pronë, deklaronte të ardhura nga shitja e një banese në Elbasan.
Trupa e KPK e përbërë nga Xhensila Pine, Valbona Sanxhaktari dhe Etleda Çiftja vendosi shkarkimin e prokurorit. Sipas IDKPI, gjyqtari Kaloçi nuk ka bërë deklarim të saktë të pasurisë, pasi ka mospërputhje me deklarimet në vite.
KPK deklaron se ka mospërputhje pasi prokurori ka bërë deklarim të rremë, duke sqaruar se kishte fituar edhe një shumë prej 5,2 milionë lekësh në një loto sportive.
Analiza e pasurisë është një ndër tre shtyllat e rivlerësimit për gjyqtarët, së bashku me kontrollin e figurës dhe vlerësimin e aftësive profesionale.
Kaloçi ishte pjesë e listës prioritare të Vettingut si njëri prej 19 kandidatëve për Këshillin e Lartë të Prokurorisë.
