Një shqiptar u qëllua për vdekje me thikë në kampin e emigrantëve të Bonn-Bad Godsberg.
Dy persona janë arrestuar nga policia vendase si autor të dyshuar për ngjarjen e rëndë. Hetimet e para bëjnë me dije se ngjarja ka ndodhur pas zënkës midis banorëve të kampit, ku më pas është goditur me thikë 32 vjeçari shqiptar, emri i të cilit nuk bëhet me dije. Pavarësisht shkuarjes së autoambulancave në vendin e ngjarjes, plagët e thella i kanë shkaktuar vdekjen shqiptari. Ende nuk dihet shkaku i vërtetë i krimit të rëndë. Të arrestuarit janë një 30 vjeçar nga Shqipëria dhe një 26 vjeçar nga Kosova, bëjnë me dije mediat gjermane. “Njëri nga të arrestuarit ka qenë i njohur nga policia për vjedhje dhe krime të dhunshme në Bon”, bën të ditur policia. Në kampin, në të cilin jetojnë rreth 240 azilkërkues, gra, fëmijë dhe burra, shumica e të cilëve nga Shqipëria dhe nga Kosova. Ata janë grumbulluar në kamp në pritje të riatdhesimit nga pala gjermane. Viktima njihej si njeri punëtor dhe i rregullt, ndërsa në vendin e krimit janë vendosur lule dhe qirinj, siç shihet edhe në foto.
