FIFA ka caktuar ditën e djeshme edhe arbitrat që do të gjykojnë në dy gjysmëfinalet e ditës së martë dhe të mërkurë.
Në ndeshjen mes Francës dhe Belgjikës, do të vendosë drejtësi uruguaiani Andres Kunja. Ndërkohë, gjysmëfinalja tjetër, mes Anglisë dhe Kroacisë, i është besuar turkut Xhunej Çakir.
Kështu, për finalen e madhe të Moskës, mbetet e hapur rruga për dy xhaketat e zeza, të cilësuar nga më të mirët në këtë Botëror, italiani Xhianluka Roki dhe serbi Milorad Maziç.
Gjithashtu, në garë për të pasur në gjykim finalen është edhe iraniani Alireza Fagani.
