Gjykata e Krimeve të Rënda dënoi me 2 vjet e 6 muaj burg gjyqtarin e Apelit Shkëlqim Miri duke e shpallur fajtor për akuzën e korrupsionit.

Deri në momentin e arrestimit Miri ka qëndruar në masën e sigurisë “arrest me burg” dhe duke llogaritur kohën e paraburgimit atij i mbetet të kryejë edhe 20 muaj burg.

Prokuroria kishte kërkuar dënimin me 4 vite burg të ish gjyqtarit të Apelit Shkëlqim Miri.

Arrestimi i Shkëlqim Mirit u bë një vit më parë pas një hetimi të nisur nga prokuroria nën akuzan e korrupsionit, pasi dyshohet se ka përfituar shumën prej 30 mijë eurosh në këmbim të ndryshimit të kualifikimit të veprës penale të një ngjarjeje të ndodhur në Burrel, në vitin 1997.

Dyshohet se gjyqtari ka ndryshuar akuzën nga vrasje, në plagosje të rëndë me dashje. I akuzuari quhet Gentian Doda, i ekstraduar kohë më parë nga Los Anxhelos, në SHBA.

Në fillim të nëntorit gjatë kontrollit të banesës iu gjetën 30 milionë lekë në shtëpi të cilat u sekuestruan fillimisht nga prokuroria .

Ai ishte emëruar që prej vitit 2010 në Gjykatën e Apelit të Tiranës dhe deri në vitin 2012-të ka qënë anëtar i KLD-së.

LAJMET E FUNDIT NE KOHE REALE