Vendi ynë vazhdon të jetë nja nga korridoret ballkanike të trafikut të heroinës dhe kokainës që trafikohet drejt vendeve të Evropës çka ka sjellë shtimin e numrit të përdoruesve të drogërave të forta.

Në një nga aksionet e fundit antidroge të nisur pikërisht ne zonën e “21 Dhjetorit”, ndaj një shpërndarësi që operonte në këtë zonë,

Prokuroria zbuloi një fakt të ri, disa përdorues po blejnë droge me lista megjithëse sfida kryesore e autoriteteve është fshirja e Shqipërisë nga harta e kultivimit te kanabisit, që përveç të tjerave ka sjellë gjithashtu

shumëfishimin e përdoruesve të hashashit, përdoruesit e heroinës janë më të ekspozuarit për t’u kthyer edhe autorë ngjarjesh kriminale që nga grabitjet deri tek vrasjet me pagese.

E gjitha kjo shkaktohet nga mungesa e të ardhurave për të paguar dozën dhe varësinë nga heroina tha një burim policor.

Javën e kaluar gjatë sekuestrimit të 1 kilogrami heroine që po shpërndahej tek klientët fiks, prokuroria zbuloi gjithashtu një listë përdoruesish që u jepej doza dhe u shënohej emri si borxhlinj.

Aksioni “laboratori” nisi duke ndjekur njërin nga shpërndarësit Pieraldo Pelushi të cilit ju gjetën me vetë 33 doza heroine.

Shpërndarësi u ndoq tha njeri nga agjentet e antidrogës dhe më pas u pa tek po furnizohej me drogë në një banese të marrë me qera nga grupi.

Aty u gjetën 322 doza me heroinë dhe lista e emrave të përdoruesve borxhlinj. Grupi në të cilin u arrestua edhe një shpërndarës tjetër që punonte si lavazhier dhe që shpërndante drogë në vendin e punës shet heroinë tek klientët fiks në Rrugën e Kavajës, rrugën “Vasil Shanto”, Selitë, Kombinat dhe Yzberisht.

Prokuroria thotë se nuk ka arritur ende tek kapot e grupit dhe tek burimi kryesor qe furnizon dy nga shpërndarësit me heroinë, që të dy të dënuar me parë per të njëjtin fakt

Drogë e sekuestruar në Shqipëri gjatë 2018-s
Ekstazi 4.04 gramë;Fara kanabisi 1 kg 761,06 gramë;Hashish 363 KG 408 gramë;Heroinë 23 kg 971 gramë; kanabis 20365 kg;ketaminë 3 litra 340 ml
kokaninë 630kg;metadon 57.7 gramë;opium 182 kg 500 gramë;vaj hashishi 51 litra 758 ml;