Një sasi e madhe droge, raportohet se është sekuestruar gjatë një aksioni të finalizuar paraditen e sotme (21 nëntor) pranë pikës kufitare të Qafë-Thanës.
Lënda narkotike raportphet se është sekuestruar në një furgon mallrash, ndërsa në pranga mësohet se janë vënë tre persona, emrat e të cilëve nuk bëhen të ditur.
Në aksion mësohet se morën pjesë Forcat e Ndërhyrjes së Shpejtë të mbështetur nga Forca të Policisë së Elbasanit.
Ato kishin një informacion të rezervuar nga Antidroga dhe bënë bllokimin e mjetit në ecje e sipër në rrugën nacionale Elbasan-Qafë Thanë.
Furgoni bashkë me sasinë e lëndës narkotike ndërkohë është sjellë në Drejtorinë e Policisë së Qarkut Elbasan ku do të nënshtrohet ekspertizës, dhe pritet te kryhet edhe peshimi i lëndës narkotike brenda tij.
Në vijim pritet të ketë më shumë informacion edhe për personat e vënë në pranga gjatë aksionit.