Këshilli i Lartë i Drejtësisë ka vendosur të kallëzojë penalisht ministrin e Brendshëm, Saimir Tahiri.
Vendimi u mor në mbledhjen e sotme jashtë radhë të KLD. Në njoftimin e KLD thuhet se mbledhja u thirr nga kryetari për të diskutuar për situatën në sitemin gjyqësor pas sulmeve sulmeve të papranueshme, fyese dhe kërcënuese të ministrit të Punëve të Brendshme Saimir Tahiri, ndaj gjyqtarit Arjan Aliaj. “Gjatë diskutimeve, anëtarët e Këshillit, dënuan ashpër intimidimin që po i bëhet gjyqtarit z. Arjan Aliaj në veçanti por dhe trupës gjyqësore në tërësi, ku në përfundim, Këshilli vendosi të bëjë kallëzim penal pranë Prokurorit të Përgjithshëm, ndaj ministrit të Punëve të Brendshme Saimir Tahiri”, thuhet në njoftimin e KLD.
/ Star Plus TV /
