Pas ndeshjes me Jordaninë, Federata Shqiptare e Futbollit ka informuar se për shkak të probleme fizike Frederic Veseli dhe Ylber Ramadani janë larguar nga grumbullimi i ekipit kombëtar për të vijuar me fazën riaftësuese.

FSHF bën me dije se dy lojtarët kanë pësuar tërheqje muskulare gjatë ndeshjes miqësore ndaj Jordanisë.

Trajneri i skuadrës përfaqësuese Christian Panucci, ndërkohë ka kryer menjëherë zëvendësimet e duhura. Kështu brënda ditës së sotme skuadrës do ti bashkohen mbrojtësi

Ivan Balliu dhe mesfushori Sabien Lilaj, të cilët do të jenë në dispozicion të skuadrës kombëtare, në vigjilje të ndeshjes zyrtare të datës 14 tetor ora 20:45 në Izrael.

Shqipëria sipas programit, sot ka zhvilluar seancën e parë stervitore, teksa do të ketë edhe një të dytë pasdite, por me dyer të mbyllura.

Artikulli paraprakMBYLLJA E LOJRAVE TË FATIT, RAMA: OPOZITA KA KAQ VJET QË IU ÇAN DËRRASAT SHQIPTARËVE SE I KA VËLLAI IM
Artikulli tjetërKAPET GOMONIA ME 3 MLN EURO DROGË NË ITALI, DY SHQIPTARË NË PRANGA (VIDEO)