105 të rinj kanë marrë Shpirtin e Shenjt në sakramentin e Krezmimit që u kremtua në Katedralën e Shën Shtjefnit në Shkodër nga arqipeshkvi metropolit monsinjor Angelo Massafra.
Krezmimi apo vajosja siç njihet ndryshe sëbashku me Pagëzimin dhe Eukaristinë formojnë ngjarjen që quhet “fillimi i krishterë”. Monsinjor Massafra dha edhe disa mesazhe përpara besimtarëve.
Arqipeshkvi bëri thirrje që besimtarët e krishterë ta kenë frikë Zotin dhe të jenë më afër tij. Në fund 105 të rinjtë u krezmuan duke përforcuar e duke marrë Shpirtin e Shenjt ashtu si Apostujt ditën e Rrëshajëve për t’u bërë kështu dëshmitarë e përhapës të mësimeve ungjillore.
