Një aksident me pasojë vdekjen është regjistruar në aksin rrugor Shkodër-Velipojë. Ngjarja raportohet se ka ndodhur rreth orës 01:15 të mëngjesit të sotëm ku një motoçikletë është përplasur me një makinë.
Nga aksidenti humbi jetën drejtuesi i motoçikletës Prekë Kokli, 60 vjeç. Policia ka bërë ndalimin e drejtuesit të mjetit P.Papa, punonjës i policisë në Malësi të Madhe. Nga ana e bluve vijojnë hetimet për zbardhjen e aksidentit.