Lideri serb i Bosnjës Radovan Karaxhiç, i cili është në pritje të vendimit për gjyqin e tij për gjenocid, në gjykatën e Kombeve të Bashkuara për krime lufte, ka pasur operacion në tëmth. Sipas dokumenteve të lëshuara sot nga Gjykata Ndërkombëtare për Krime për ish-Jugosllavi, Karaxhiç u operua në një spital të Holandës në fund të muajit gusht. Karaxhiç doli para gjyqit i dyshuar për organizimin e krimeve serbe gjatë luftës së viteve 1992-95 të Bosnjës, që la rreth 100 mijë persona të vdekur.
LESBOS NË GREQI, PËRLESHJE MES EMIGRANTËVE DHE POLICISË
Përleshje mes emigrantëve dhe forcave të sigurisë kanë ndodhur në ishullin e Greqisë Lesbos. Prestigjozja The Guardian shkruan se rreth 1000 refugjatë kryesisht nga Afganistani kanë tentuar të hyjnë në tragetin Blue Star 1 duke bërtitur “Athinë, Athinë”. Agjentët e siguisë dhe Garda Bregdetare kanë përdorur gaz lotsjellës dhe granata tymuese për të shpërndarë dhe parandaluar hipjen e emigrantëve në target. Ndërkohë sot një emigrant pakistanez humbi jetën në hungari në përpjekje për të kaluar bllokadën policore.
