KUQELBUTË MUNDEN 78-88, ZHVILLUAN NJË LOJË TË MIRË. Ekipi i Vllaznisë në Basketboll për meshkuj, ka humbur në ndeshjen e radhës të Ligës Ballkanike, këtë herë ndaj Sigal Prishtina. Skuadra ka humbur 78-88, në një takim të rivalizuar deri në minutat e fundit.

Në fakt kjo sfidë ka qenë e parashikuar si e vështirë për vetë faktin se ekipi i Prishtinës është një ndër pretendëntët kryesorë për fitimin e titullit kampion në këtë ligë. Pa ndeshjes, trajneri Gjeçaj, u shfaq i kënaqur me lojën e ekipit të tij, duke shpresuar se skuadra do të ruajë këtë paraqitje për ndeshjet e kampionatit.Përveç, ndeshjen, Takimi mes Vllaznisë dhe Sigal Prishtinës, ka patur një interesim të madh dhe nga tifozeritë përkatëse. Përveç, tifozëvë shkodranë, të pranishëm kanë qenë dhe grupimi më i njohur i tifozave të Prishtinës, Plisat, ku kanë dhuruar një atmosferë të zjarrtë në ambjentet e pallatit të sportit. Vllaznia me këtë përballje ndaj Sigal Prishtinës mbyll ndeshjet brënda në shtëpi, ndërsa në vitin 2015 do të ketë dhe tri transferta të tjera për të zhvilluar.