Në zonën periferike të Livadeve një kanal i ujërave të zeza vazhdon të mbetet një problem shqetësues për 190 familje që jetojnë në këtë zonë.
Banorët shprehen se kanali ishte projektuar për ujërat e bardha që nga koha e ndërtimit të Bypass-it por tashmë situata ka dalë jashtë kontrollit
Banorët kërkojnë që të merrën masa nga institucionet përgjegjëse pasi afërsia e kanaleve me shtëpitë e tyre bën që aroma e keqe të ndjehet deri brenda në banesa.
Edhe më parë, banorë të Livadeve kanë bërë kërkesa për mirëmbajtjen e kanaleve pranë shtëpive por deri tani, situata nuk ka njohur përmirësim.
Era e keqe e ujërave të zeza në këtë kanal ka bërë që shpesh herë të përhapet edhe ndonjë infeksion tek banorët e zonës.
