Një makinë ka rënë në humnerë mëngjesin e së mërkurës në rrugën Koman-Vau i Dejës.
Mësohet se në automjet ishin tre persona, të cilët janë plagosur, dhe dy prej tyre janë në gjendje të rëndë.
Nuk dihet ende lidhur me shkaqet e kësaj ngjarje.
Policia dhe forcat e zjarrfikëse janë nisur drejt vendngjarjes.
Nderkohe policia ne deklaraten e tyre zyrtare bejne me dije se :
Shkodër
Informacion Paraprak
Në aksin rrugor Shkoder-Koman, ka dalë nga rruga një automjet tip kamionçinë.
Si pasojë janë dëmtuar shtetasit K. Sh. , I. Sh. dhe A. L. banues në Tiranë, të cilët kanë qënë duke shkuar në punë, pasi janë punonjës të HEC.
Nga veprimet e para dyshohet se drejtuesi i mjetit ka humbur kontrollin për shkak të një kthese të fortë.
Të dëmtuarit po transportohen me helikopter për në Spitalin e Traumës Tiranë.
Grupi hetimor po punon për sqarimin e plotë të rrethanave të aksidentit.
