Dy persona kanë mbetur të plagosur mesditën e sotme në Korçë, pasi mjeti ku po udhëtonin ka përfunduar në arë.

Aksidenti është regjistruar në aksin Korçë-Pogradec, në afërsi të fshatit Velitërnë.

Mjeti tip BMW ka dalë nga rruga dhe për pasojë janë plagosur drejtuesi i mjetit dhe pasagjeri. Paraprakisht dyshohet se shkak ka qenë shpejtësia tej normave të lejuara dhe nga lagështia në rrugë.

Mësohet se pasi ka dalë nga rruga, mjeti ka bërë tre- katër batime dhe ka përfunduar në arë.

Fatmirësisht dy të aksidentuarit nuk kanë marrë plagë të rënda dhe janë transportuar drejt spitalit të Pogradecit ku ndodhen nën kujdesin e mjekëve.

Artikulli paraprakDËNOHET ME 4 VITE BURG DHE LIROHET ME KUSHT, KUNATI I ISH-ZYRTARIT TË POLICISË
Artikulli tjetërBOTA E SPORTIT NË ZI, VDES ISH-PORTIERI I REALIT TË MADRIDIT