Në bashkinë e Malësisë së Madhe kanë mbërritur një mjet zjarrëfikës, një autobot dhe një autoambulancë të cilat janë donacione nga qyteti i Namyrit të Belgjikës. Ky donacion është si rezultat i vizitës së bashkëatdhetarëve tanë që jetojnë atje me kryetarin e komunës së Namyrit.
Ndërkohë paraditen e kësaj të Merkure këshilli bashkiak i Malësisë së Madhe organizoi në sallën e këshillit bashkiak ceremoninë e dhënies së titujve “Qytetar Nderi” të Malëisë së Madhe për 4 personat që kontribuan për këto donacione me motivacionin “ Për kontribut të shquar në mbështetje me mjete operuese të domosdoshme në fushën e sektorit të mbrojtjes nga zjarri dhe shpëtimit dhe shendetësisë në territorin e kësaj bashkie.
Ndërkohë pas marrjes së dorëzimit të titullit njëri prej të pranishmëve Pierre Boca me detyre komandant i sigurisë në Namyr të Belgjikës teksa falenderoi këshillin bashkiak për nderimin, u shpreh impresionues për Shqipërinë, duke thënë se ka mbetur i mahnitur
Tashmë Bashkia e Malësisë së Madhe është e pajisur me mjete të kohës moderne. Duke e ditur se punëtorët e kësaj njësie kanë punuar me mjete të vjetruara, tani do e kenë më lehtë që ti kryejnë shërbimet e tyre, dhe në këtë formë është ngritur siguria në një standard të ri në Malësin e Madhe
