Mark Babani kryetari i bashkisë së Vaut të Dejës reagon lidhur me akuzat e PD-së.

“Gjithë jetën as babai im e as unë nuk i kemi bërë 24 orë burg. Gjithë jetën kam mbajtur emrin Mark Babani” u shpreh ai duke u shprehur se ishte gati të bashkëpunojë me autoritetet për të sqarime të mëtejshme.

Mark Babani: Nuk i di pretendimet se jam në punë, por jam i gatshëm të sqaroj çdo gjë. Jam Mark Babani i lindur me 24 dhjetor 1966.Fisi jonë jemi me mbiemrin Babaj por në shkollë të gjithë kushërinjtë dhe njerëzit e mi e kemi kthyer Babani. Kështu jam regjistruar në klasën e parë. Kam mbaruar shkollën e mesme, kam mbaruar ushtrinë në Tiranë, kam qenë sportist në klubin Vllaznia për tre vjet, si Mark Babani.

Kur kam shkuar në Itali me 6 mars të 1991 jam regjistruar Mark Babani i datëlindjes 24 dhjetor 1966. Momentin e parë kur kemi marrë permesot e sonxhornos në Itali, një grup i zonës sonë, në prill-maj të 1991 në Siçili, kam filluar punë në një fabrikë peshku në fund të ’91, shtator-tetor. Kam punuar për tre vjet deri në ’94. Punoja në dy punë, edhe në një hotel. Jam larguar nga Italia në 1995, me fabrikën që punoja kemi bërë një investim në Shëngjin të Lezhës.

Gazetari: PD pretendon se keni qenë i dënuar.

Mark Babani: Kjo pjesë nuk ka lidhje me mua dhe jetën time, më vjen shumë turp që i dëgjoj këto fjalë. Kam luftuar të gjithë jetën time me qenë një shqiptar model. Gjithë jetën unë, babai im dhe gjyshi im nuk i ka bërë kush 24 orë burg.

Artikulli paraprak215 FORCA GATISHMËRI PËR SHQIPËRI-ISLANDË, POLICIA: NDALOHEN SHISHET ME TAPË DHE ÇELËSAT NË STADIUM
Artikulli tjetërKËRKOHEN 12 VJET BURG PËR ISH-MINISTRIN E BRENDSHËM, SAIMIR TAHIRI