Lajmi që qarkullonte prej ditës së djeshme është zyrtarizuar sot përsa i përket ndeshjeve të javës së 26 të Seria A. Gjashtë takime, duke përfshirë edhe takimin Juventus-Inter do të luhen pa praninë e tifozëve në stadium, si pasojë e frikës së përhapjes së koronavirusit në Itali.

Ndeshjet e tjera të cilat do të luhen pa praninë e tifozëve janë sfidat Milan-Genoa, Parma-Spal, Udinese-Fiorentina, Sassuolo-Brecia dhe Sampdoria-Verona. Vendimi për gjithçka më lart është konfirmuar nga ministri i sporteve në Itali Vincenzo Spadafora.

Më herët përsa i përket javës që kaloi në Seria A u anuluan katër ndeshje, ndërsa edhe takimi i Europa League mes Interit dhe Ludiogorets është vendosur të luhet pa praninë e tifozëve.