Pas sulmit ndaj gazetares Klodiana Lala ka reaguar edhe kreu u shtetit shqiptar Ilir Meta.

Presidenti i Republikës, dënon me ashpërsi sulmin me armë të kryer ndaj banesës së prindërve të gazetares së mirënjohur investigative, Klodiana Lala.

Edhe përmes një bisede telefonike ku shprehu solidaritet të plotë me gazetaren Lala, dy vajzat e saj të mitura dhe prindërit e saj, Presidenti Meta e inkurajoi të vijojë misionin e saj, pa u trembur dhe shantazhuar nga askush.

“Po kështu inkurajoj organet e sundimit të ligjit të hetojnë në mënyrë të plotë dhe shteruese, këtë ngjarje të rëndë, e të venë para ligjit këdo që qëndron pas saj.

Liria e medias është kusht i pazëvendësueshëm për garantimin e të drejtave të njeriut në një shoqëri demokratike”, – nënvizoi Presidenti Meta.

Gjithashtu mësohet se Kreu i shtetit ka ka komunikuar edhe me Drejtorin e Pergjithshem te Policise per kete ngjarje.

Artikulli paraprakRAMA: E PATOLERUESHME BARBARIA MBI SHTËPINË E GAZETARES KLODIANA LALA
Artikulli tjetërZBULOHET “SHTEGU” I RI I SHQIPTARËVE PËR TË SHKUAR NË BRITANI