Kanë kaluar tetë muaj nga aplikimi i skemës së re të ndihmës ekonomike, ndërsa problemet me të nuk po marrin zgjidhje.
Pas një zhurme të krijuar përgjatë kësaj periudhe për lënien e fajit nga njëra zyrë në tjetrën, të vetmit që po e vuajnë janë shtresa më e varfër e popullsisë.
Është data 4 shtator 2018, ndërsa duhej të kishin filluar aplikimet për këtë muaj që në datën 1, asgjë nuk po bëhet.
Shërbimi Social akoma nuk ka dërguar përgjigjet, të cilat i hapin dritën jeshile aplikimeve të qytetarëve.
Në qendrën komunitare për familjen numër 3 në Shkodër vijojnë të vijnë qytetarë për të aplikuar, megjithatë kthehen mbrapshtë.
Për “Star Plus” ata shprehen se një situatë e tillë është kthyer në një rutinë të çdo muaji, ndërsa durimi ka arritur kulmin.
Këtë të martë në këtë qendër mungojnë radhët e qyetarëve. Kanë mbetur edhe vetëm 6 ditë për të mbyllur afatin ligjor të 10 ditëshit të përcaktuar për skemën e re.
Nuk ka asnjë informacion dita se kur do të vijnë përgjigjet nga Shërbimi Social.
Në gjasht ditët e ardhshme, tre prej tyre janë pushim, ndërsa për qytetarët mbeten vetëm tre ditë për të aplikuar. Edhe kjo, gjithmonë sëse Shërbimi Social i Shkodrës vë ujin në zjarr, të paktën për shtresat në nevojë.
