Një nga personat e shpallur në kërkim për masakrën në ambientet e lokalit “Monopol” në zonën e ish-bllokut në Tiranë, është dorëzuar në polici.
Aleks Boshanjaku, i shoqëruar nga avokatja e tij Olta Myftaraj, i është drejtuar Policisë së Tiranës, pasditen e kësaj të diele.
Ai është dorëzuar vullnetarisht në polici, pasi është vënë në dijeni të faktit se kërkohej nga policia. Mbrëmjen e 4 tetorit nga përleshja me armë zjarri në ish-bllok humbi jetën Fabjan Gaxha, ndërsa u plagosën pronari i basteve sportive Ervis Martinaj dhe miku i tij Eljo Hato.
Në kërkim u shpallën Ervin Mata, komandoja Mervjol Bilo dhe Fabjol Alushi. Pak orë pas ngjarjes në prangat e policisë ra Geldo Hoti, mik me Ervin Matën i cili dyshohet se ka qëlluar me armë në momentin e ngjarjes.
Kush është Ajaks Boshnjaku?
Ajaks Boshnjaku, një emër i padëgjuar para ngjarjen që ndodhi në ish-Bllok. Urdhër arresti për të u firmos nga prokurorët Kreshnik Ajazi e Artan Lulo, pasi ka dyshime të jetë i përfshirë në krimin që tronditi kryeqytetin.
Boshnjaku është mik me të dashurin e Elvana Gjatës, Ervin Matën, i shpallur në kërkim për masakrën e 4 tetorit.
Nga hetimet rezulton se Boshnjaku ka qenë i pranishëm në lokal në momentin kur komandoja Meviol Bilo iu kundërpërgjigj sulmit me armë nga Fabian Gaxha, duke lënë të vrarë këtë të fundit dhe duke plagosur Ervis Martinajn e Elio (Esmerald) Hato.
Kërkimet policore për kapjen e mikut të Matës deri më tani nuk kanë dhënë rezultat.
