Përndjekja ndaj dikujt në formë dhe mënyra të ndryshme është vepra penale që ka nisur të ketë një numër të lartë gjykimesh në Gjykatën e Tiranës.

Nga janari dhe deri në qershor në gjykatën e kryeqytetit janë dërguar për gjykim për këtë akuzë 26 persona nga të cilët 14 kanë përfunduar me vendim fajësie ndërsa për 12 të tjerë çështjet janë ende në gjykim.

Kryesisht përndjekësit janë ishtë dashurit ose ish të dashurat por edhe ish bashkëshortët apo bashkëshortet, të cilët nuk e kanë pranuar faktin e ndërprerjes së lidhjes.

 

Të gjendur në këto kushte viktimat, nëse do të quhen të tillë i janë drejtuar policisë, për denoncim dhe më pas çështja ka kaluar prokurorisë që pas verifikimeve ka ngritur edhe akuzat.

Të akuzuarit janë thirrur fillimisht dhe u është bere e ditur që veprimi që po kryejnë është një vepër penale dhe nëse do të vijojnë të shqetësojnë denoncuesit mund te procedohen penalisht.

Por sipas hetuesve megjithëse u bëhet i ditur ky fakt disa prej tyre vijojnë të mos heqin dorë nga veprimet e tyre.

Por një fenomen që vihet re është edhe fakti që të akuzuarit edhe pse janë dënuar nga gjykatat me burg, kanë përfunduar sërish pas hekurave pasi kanë kryer dënimet si përsëritës të së njëjtës vepër penale.