Në kishën e Shën Rrokut në Rranxa të Bushatit është përuruar shtatorja e të lumit Mark Çuni.

Arqipeshkëvi I metropolit i Shkodër-Pult Angjelo Massafra gjatë zhvillimit të kësaj ceremonie u shpreh se martiri Mark Çuni duhet të shërbejë si shembull për të gjithë njerëzit në kryerjen e veprave të mira.

Shtatorja dhe punimet janë mbuluar nga bamirës të diasporës por jo vetëm. Në ndërtimin e këaj shtator të të lumit Mark Çunit dhanë kontributin e tyre edhe famullia dhe bashkia e Vaut të Dejës.

Ajo është vendosur pranë kishës së Shën Rrokut në Bushat, pikërisht 73 vjet pas vdekjes së tij.

Mark Çuni ishte një nga 40 martirët të cilët munduan e u vranë mizorisht për besimin e tyre fetar të cilit I përkisnin..