Emanueli kishte dalë nga shkolla “Azem Hajdari” ku mëson për të shkuar në shtëpi, mirëpo një makinë i kaloi sipër këmbës duke e lënë të shtrirë në tokë.
Ngjarja ka ndodhur me datën 6 te këtij muaji rreth orës 11.30 në lagjen Zooteknikë aty ku familja e Emanuelit banon.
Fëmija ka qënë i shoqëruar nga e ëma duke ecur në këtë rrugë e cila është tepër e ngushtë bashkë me trotuarin, kur një person ka ardhur me makinë dhe i ka shtypur këmbën Emanuelit.
Por shoferi është sjellur në mënyrë aspak qytetare duke u larguar nga vend i ngjarjes.Ai i ka lënë në rrugë fëmijën bashkë me të ëmen të cilët po kërkonin ndihmë, dhe në ato momente ka qënë një banor i zonës i cili i ka ardhur në ndihmë fëmijës duke e dërguar në spital
Babi i Emanuelit Frrok Blinishta kërkon drejtësi teksa ndihet shumë i fyer nga ajo cfarë ka ndodhur sepse sipas tij shoferi që i aksidentoi djalin ka bërë një veprim të ulët
Frroku shprehen indinjatë edhe ndaj mjekëve për mënyrën se si janë sjellur në spitali e po ashtu për policinë e shtetit që sipas tij ishte më shumë e interesuar se kush ja solli djalin në spital sesa kush ishte personi që e zuri me makinë
Gjendja e Emanuelit është përmirësuar ndjeshëm.Dy ditë më parë ai nuk mund të lëvizte pa ndihmën e familjarëve për shkak se këmba i ishte pezmatuar.
Babi i Emanuelit ka edhe një apel që ajo që i ndodhi djalit të tij mos të përsëritet tek ndonjë fëmijë tjetër sepse rruga nga zooteknika deri në shkollën Azem Hajdari ështe ngushtë dhe mungojnë trotuaret.
