Lideret politik kanë zgjedhur rrjetet sociale për vitin e ri. Kryeministri Edi Rama nëpërmjet një mesazhi në facebok thotë se 2019 ka ardhur pa lloto dhe me mbështetje për ciftet e reja.
Presidenti Ilir Meta në mesazhin e tij uron që 2019 të jetë viti i negociatave me Be-në.
Uroj që Viti 2019 të realizojë dëshirën e madhe të hapjes së negociatave me Bashkimin Evropian dhe të na sjellë më pranë ëndrrën e bukur të të rinjve dhe të gjithë shqiptarëve,
“ta bëjmë Shqipërinë si gjithë Evropa”, duke na ftuar, gjithë secilin prej nesh, të dhurojmë më shumë dashuri për njëri-tjetrin, fëmijët tanë, prindërit e të afërmit, fqinjët e miqtë tanë, për familjen shoqërinë e vendin tonë të mrekullueshëm!
Gëzuar Vitin e Ri 2019! Ju uroj shëndet, gëzim e hare, paqe, shpresë e mirëqenie, dashurie e mirësi për njëri-tjetrin! Le të na shoqërojnë këto urime e ndjenja pozitive për gjatë gjithë vitit që po troket!” shkruan Meta.
Kryetari i PD-së, Lulzim Basha ka uruar vitin e ri duke bërë thirrje për shpresë dhe optimizëm se ditë më të mira do të vijnë për familjet shqiptare. Të dashur bashkëqytetarë, ju uroj nga zemra Gëzuar Vitin e Ri 2019!
Le të nisim bashkë këtë vit të ri plot me shpresë dhe optimizëm se ditë më të mira për familjen tonë të madhe kemi përpara!
Zoti ju bekoftë ju dhe familjet tuaja shkruan Basha
