Një shtetas shqiptar është ndaluar nga policia greke, i akuzuar për transport lënde narkotike me qëllim trafikimin.

34-vjeçari u ndalua në aksin rrugor Janinë – Kozani, në vendin e quajtur Eleusa, në afërsi të qytetit të Janinës.

Gjatë kontrollit të mjetit që ai drejtonte u desh aktivizimi i qenit të kërkimit të drogës me emrin “Nero”.

Në vende të ndryshme brenda mjetit u gjetën 39 pako me kanabis, me peshë të përgjithshme 19,9 kilogramë.

Lënda narkotike ishte fshehur në gomat e makinës, nën parafangot, te motori dhe nën tapecarinë e sedileve të pasme.

Policia sekuestroi dy telefona celularë, si dhe mjetin me të cilin transportohej lënda narkotike.

LAJMET E FUNDIT NE KOHE REALE