Kryeministri Edi Rama do zhvillojë të hënën mbledhjen e parë me deputetët e rinj socialistë, të zgjedhur në 25 qershor.
Përmes një mesazhi drejtuar të sapozgjedhurve, Rama i fton ata të hënën në orën 11:00 në hollin e Kryeministrisë. SMS-ja u është dërguar edhe kandidatëve të PS që ishin pjesë e kësaj gare si dhe kryebashkiakëve socialistë. Në SMS Rama është kujdesur t’u kujtojë të gjithëve se mbledhja është e rëndësishme dhe nuk duhet të mungojnë.
“Ju lutem te henen ne 11.00 takim pune tek holli i kryeministrise me te gjithe ekipin e deputeteve, dmth 140 nga cdo qark plus me kryetaret e bashkive socialiste! Asnje mungese nuk do te mirekuptohet. Mireardhshi”, thuhet në mesazhin e Ramës. Kryesocialisti Rama ka thirrur keshtu ne nje takim pune 140 kandidatet per deputete te listes se PS ne keto zgjedhje si dhe kryetaret e bashkive perfaqesues te PS.
