Vijon të jetë problematike situata në fshatin Obot i cili ka hyrë në ditën e 18 që është nën pushtetin e ujit.
Gjendja është rënduar sidomos gjatë natës si pasojë e shkakrimeve. Paraditen e kësaj të diele uji ka përpauar në rrugën e Obotit pak metra pa mbërritur në rrugën kryesore te Muriqanit.
Në këtë zonë kalimi bëhet vetëm me varkat e ushtrisë. Këshilltari i bashkisë Shkodër Marin Pemaj njëherësh banor i Obotit vlerëson situatën kritike.
Një nga problemet është situata e tokave bujqësore që janë përmbytur. Zona e Anës Malit jeton me produktet bujqësore, produkte që sidomos në këtë stinë janë shumë të rëndësishme për periudhën e gjithë verës dhe për blegtorinë nga ana tjetër.
Momentalisht në këtë njësi administrative janë mbi rreth 1300 hektar tokë e përmbytur