SHKAK DALJA E LUMENJVE NGA SHTRATI I TYRE, SHPALLET GJËNDJA E JASHTËZAKONSHME.

Pjesa lindore e Maqedonisë është përfshirë nga vërshimet masive, si pasojë e daljes së lumenjve nga shtrati i tyre. Autoritetet qeveritare Maqedonase përmes një Shtabi Emergjence kanë shpallur gjendje të jashtëzakonshme në këtë zonë. Reshjet masive të shiut dhe dalja e lumenjve nga shtrati, kanë shkaktuar përmbytjen e disa vendbanimeve në komunën Çeshinovë.  Përmbytje masive ka edhe në rajonin e Pellagonisë, përfshirë dhe zonën e Manastirit, për shkak të daljes nga shtrati të Lumit të Zi. Autoritetet qeveritare po ndjekin situatën në zonat e përmbytura dhe po mundohen të ndihmojnë banorët.  Dalja nga shtrati e lumenjve kanë përmbytur zona të tëra në pjesën lindore të vendit. Sipas mediave Maqedonase dëmet janë të mëdha dhe ujërat e rrëmbyeshëm kanë paralizuar dhe bllokuar shumë vendbanime. Nën ujë janë edhe shumë hapësira bujqësore, vreshta dhe objekte në afërsi të lumenjve.

Artikulli paraprakNUK KALLËZOI KRIMIN, ARRESTOHET 24 VJEÇARI
Artikulli tjetërLEGALIZIMET, MBYLLET PROÇESI