Kur kemi hyrë në muajin Tetor dhe temperaturat janë ulur ndjeshem, në zonen turistike të Shëngjin vijon të ketë vizitor.

Të shumtë kanë qenë qytetarët të cilët kanë zgjedhur bregdetin për të kaluar fundjaven. Krahas motit me diell edhe çmimet e favorshme të kësaj periudhe janë arsye që zona turistike e Shëngjinit po vijon të frekuentohet.

Prezenca e vizitorëve në Shëngjin ka bërë që sezoni të zgjatet e për këtë arsye edhe bizneset të vijojnë të shërbejnë në zonë.

Kjo është një mundësi për ta parë sezonin përtej stinës së verës dhe intensitetit të lartë të muajve korrik e gusht dhe në Shëngjin kjo po ndodh.