Plot me gëzim por edhe ankth, të shoqëruar nga prindërit mbushur me emocione 1301 nxënës në Shkodër u ulën për herë të parë në bankat e shkollës. Si asnjëherë më parë nxënësit e klasave të para këtë vit përveç luleve mbanin edhe maska në fytyrë ndërsa tregojnë lumturinë në ditën e parë të shkollës.

Hyrja në shkollë u bë duke ruajtur distancën sociale ndërsa të gjithë fëmijët iu nënshtruan matjes së temperaturës. Një pjesë e prindërve edhe pse janë të frikësuar nga COVID-19, thonë se janë të detyruar që t’i sjellin fëmijët në shkollë.

Një situatë tepër e vështirë për nxënësit, mësuesit si dhe pridërit është krijuar që nga përhapja e pandemisë COVID-19. Deri në përmirësimin e kësaj situate, mësimi në shkolla do të zhvillohet duke zbatuar protokollin e sigurisë anti COVID. Më të vështirë për ta kuptuar natyrshëm që e kanë nxënësit e klasave të para.