Muzika tradicionale dhe ajo e kultivuar ishin në qendër të një bashkëbisedimi që dirigjenti Eno Koço pati në Shkodër me të rinjtë.
Takimi përkoi me 81-vjetorin e koncertit që nëna e tij, sopranoja e njohur Tefta Tashko Koço ka dhënë në kryeqendrën e veriut në vitin 1938.
Në Shkodër e solli “muzika tradicionale dhe e kultivuar”, për të cilën ka nisur edhe shkrimin e një libri që do të shohë dritën e botimit, vitin e ardhshëm.
Por ndalesa në këtë qytet, për dirigjentin Eno Koço qëlloi të ishte e shënuar, pasi përkonte me 81-vjetorin e koncertit të dytë që nëna e tij, sopranoja e njohur Tefta Tashko Koço kishte dhënë në Shkodër në 1938-ën.
Nuk është kritik me zhvillimet që vitet e fundit ka patur muzika, e cila shpesh i ka ikur shinave të tradicionales, apo krijimtarisë së bukur.
Arsyeja pse ka këtë qëndrim, lidhet me traditën e fortë që ka Shkodra, që e cilëson si një thesar kombëtar.
Mbrëmja u shënua edhe me risjellje të disa prej këtyre krijimtarive për të pranishmit, mes zërave brilant të skenës shqiptare.