Dy shqiptarë u arrestuan të dielën nga karabinierët në Campione d’Italia si dhe u sekuestruan 320 gramë kokainë dhe para rreth 2 100 franga.

Arrestimet e tyre erdhën pas disa ditëve që ishin vënë nën vëzhgim, duke çuar në pranga trafikantët Maksim Islami, 29 vjeç, dhe Ernesto Kalemi, 23 vjeç.

Një kërkim i parë në makinën e tyre, rezultoi i pa suksesshëm për policinë. Por, një kontroll më i plotë, sidomos në apartamentin ku qëndronin prej disa javësh dhe i marrë me qira nga një person i tretë, policia zbuloi lëndën narkotike.

Dy kavanoza që përmbanin kokainë u gjetën nëntokë në kopsht.
Duke pasur parasysh rrezikun e arratisjes, dy shqiptarët janë lënë në qelitë e paraburgimit, duke u dërguar në burgun Bassone di Como. Lënda narkotike trafikohej kryesisht nga Zvicra.