Një grup të arrestuarish shqiptarë është përleshur ditën e sotme me disa të burgosur arabë në portën e brendshme të burgut të Avlonas në Greqi.
Mediet greke nuk japin ende detaje mbi shkaqet e këtij sulmi.
Përshkallëzimi i situatës është ndalur pas ndërhyres së shpejtë të rojeve të sigurisë që ndërhynë për ti ndarë.
Duke qenë se rojet nuk mundën t’i ndanin dot forcërisht dy grupet, ata u detyruan të përdornin gaz lotsjellës.
Pas këtij momenti raportohet se përleshja ka ndaluar, por situata mbetet ende e tensionuar.Fatmirësisht nga përleshja nuk pati persona të lënduar.
Kreu i Federatës Greke të punonjësve të burgut, Spyros Karakitsos tha për Protothema.gr se: “Situata në qendrën speciale të paraburgimit të të rinjve në Avlona është jashtëzakonisht e trishtueshme dhe e rrezikshme. Situata nuk duket se është normalizuar.”