Një 36-vjeçar shqiptar me qëndrim të parregullt në Itali, dhe i pastrehë, është goditur katër herë me thikë në fyt dhe gjoks nga një bashkëkombës i tij.

Autori i ngjarjes së përgjakshme në Turate, provinca e Comos në Itali, është një tjetër 36-vjeçar, gjithashtu me qëndrim të parregullt në shtetin italian dhe i pastrehë.Sulmi ndodhi mes natës së 29 dhe 30 tetorit në mes të rrugë.

Karabinierët mbërritën në vendngjarje duke marrë në pyetje dëshmitarët. Kur shkuan në strehën ku jetonte, ata gjetën shqiptarin me të njëjtat rroba të veshura gjatë krimit dhe të lyera me gjak.

Shqiptari u dërgua në qelitë e paraburgimit për tentativë vrasjeje, ndërsa viktima u transportua në spitalin e Legnano-s në gjendje të rëndë shëndetësore.