Tërmeti 5.3 ballë që goditi Greqinë ditën e djeshme, por që tronditi edhe jugun e Shqipërisë, kryesisht Gjirokastrën është pasur edhe nga 160 lëkundje të tjera.
Edhe mbrëmjen e sotme qytetarët e Gjirokastrës dhe zonave përreth janë përballur me të tjera lëkundje. Siç shihet edhe nga tabela më poshtë, tërmeti i fundit që është regjistruar në kufirin greko-shqiptar eshte ai i orës 19:01, me magnitudë 4.6 ballë. Disa banorë në Gjirokastër kanë braktisur banesat dhe janë strehuar tek të afërmit, pasi lëkundjet e tërmetit vazhdojnë. Fatmirësisht nuk pati persona të lënduar, por vetëm demë materiale. Por pavarësisht kësaj, frika për lëkundje të tjera ekziston duke bërë që shumë qytetarë në Gjirokastër dhe zonat e tjera përreth të alarmohen. Shumë qytetarë natën e djeshme e kanë kaluar jashtë, pasi pas tërmetit mbi 5 ballë që goditit zonën u pasua edhe nga lëkundje të tjera. Ndërkohë gjatë paradites se sotme, Sizmologu Rrapo Ormeni i kontaktuar nga Ora News tha se eshte normale që pas lekundjeve të forta priten edhe lëkundje të tjera, por me magnitudë me të vogël.