Qeveria turke ka mbyllur deri më tani 131 kanale televizive, gazeta dhe media të ndryshme.
Organizatat amerikane për lirinë e medias kritikuan sot ashpër sulmet ndaj rrjeteve mediatike dhe gazetarëve në Turqi. Sipas të dhënave që vijnë nga Turqia, urdhërat e kësaj jave për mbylljen e mediave janë pasuar nga fletë-arreste për 88 gazetarë, si dhe ndalimin e 47 ish-drejtorëve dhe gazetarëve kryesorë të gazetës më të madhe në Turqi, “Zaman”. Deri më tani, raportohet se vetëm 18 gazetarë janë arritur të arrestohen.